نحي على بالك

قالك ...... وقتلك
**
*

في الجزائر فقط :
كي يروح يشري الدلاع ...
يديرها في وذنو ويبدا يطبطب ..
واش راه يسمع
الله اعلم ؟؟

قصة مؤلمة جدا :
جا روني يجري عند زوجته مذعورا ..
فقالت له : ما بك يا هذا ؟؟
فقال لها : كنت ندوش خرجلي قرلو ..
فقالت له : قرلو .. ولا بيرلو ..
فشهق روني شهقة عظيمة واجهش بالبكاء ..
وقال لها : نشريلك آيفون وما تفكرنيش بيهم
فقالت له : آيفون ولا بوفون
فانتحر روني ..

كذاب :
قالك هذا واحد الراجل قال لمرتو :
لوكان تعرفي واش صرا معايا اليوم ..
علبالي بلي ما تامنينيش ..
تقولي بلي انا كذاب
بصح انا ماشي كذاب ..
نتي الكذابة ومواليك كذابين
بصح ماشي لافوت تاعك ..
لافوت تاعي .. انا المهبول لي
ديت وحدة كذابة
.. ديجا راكي مطلقة ..

ميسي :
في سن 25 سنة ضمن حياتو ..
وحياة انتونيلا واولادو واولاد اولادو ..
ومناصري البارصا
والارجنتين مجتمعين ..
وانا 37 سنة لم اضمن حتى
لفليكسي تاع لعشية
تبا .. كم هي تعيسة هذه الحياة

واحد السيد :
طاحتلو ميات الف وقعد يحوس عليها
لقى واحد مزطول ..
قالو : يا خو .. ما شفتش ميات الف ..
طاحتلي
قالو المزطول : ارواح معايا
ايا بدا يمشي .. ومبعد دار .. وبدا يمشي ..
ومبعد دار .. وزاد مشى وزاد دار
ومبعد طلع في باطيما فيها 15 ايطاج
كي وصلو للسطح قالو : طل معايا
السيد كي طل ..
قالو المزطول : خليت العباد هذو كامل
وجاي تسقسي فيا انا ...

ناموس :
.. هذا الصيف ثوري ..
تضربو بالفليتوكس ..
يروح يغسل وجهو بالماء ..
ويولي يضربك بالحجر ..
يا لطيف

قمة المصيبة :
عند البنات ..
تكون تعرف كاش سر ..
وما عندهاش .. لي زينيتي ..
ها ها ها تندب حناكها ..

بعض الرجال :
يمسكون ايدي زوجاتهم في السوق ..
لانه لو ترك يدها ..
ستذهب لتشتري السوق كله ..
قد يبدو الامر رومنسيا في نظرك
لكنه في الحقيقة هو
تفكير اقتصادي

قمة الرجولة :
اخبرته بان حفل زواجها هذا الاسبوع ..
وطلبت منه ان ينساها للابد
حتى لا يتالم ..
وانها ستظل تعشقه بجنون لاخر عمرها ..
فرفع راسه ونظر في عينيها وقال لها :
ما تنسايش .. خبيلي حقي
تاع الحلوة
وقرعة قازوز ..

مزطول وما ريكاني :
قالك هذا واحد مزطول ..
شلف ماريكاني يحط صباعو في وذنيه ويهدر ...
قالو : واش راك دير ؟
قالو الماريكاني : اطورنا حتى ولينا نهدرو بيناتنا
عن طريق الدورة الدموية ..
المزطول خرج ورقة من رجليه
قالو الماريكاني : واشنو هذا ؟
قالو المزطول : جاني فاكس

قرلو :
قالك واحد شرا كاسكروط
من عند الروستورا ..
كي جا ياكل لقى فيه قرلو ..
عاود رجع لمول الروستورا وقالو :
يا خويا راني لقيت قرلو
في الكاسكروط
قالو دوماج ما عندكش الزهر
كون صبت 3 كنت رايح
تربح طوموبيل

hahahhhahahaahhaahahhhhhhhhhhhh chbine foooor hhhhh merci